Marja.az saytından alınan məlumata görə, ain.az bildirir.
Böyük Britaniyanın Baş naziri Keir Starmer, ölkədə qüvvədə olan qanun-qaydaların uşaqları internetin zərərli təsirlərindən kifayət qədər qorumadığını bildirərək, yaşı 16-dan aşağı olanların sosial media istifadəsinin qarşısının alınması və ya məhdudlaşdırılması ilə bağlı addımların qısa müddətdə atılacağını deyib.
Marja xəbər verir ki, Starmer, Londonda qatıldığı tədbirdə, yaşı 16-dan aşağı olanlara sosial media qadağası və ya məhdudiyyəti planı ilə bağlı açıqlamalar verib.
VTB-də minimal faiz dərəcəsi ilə nağd kredit 10.49%-dən
Bu sahədə sürətli şəkildə bir qanun hazırlayıb qüvvəyə mindirmək niyyətində olduqlarını bildirən Starmer, süni intellekt çat-botlarının da uşaqlar baxımından ciddi risklər daşıdığını və bu mövzuda da zəruri addımların atılacağını qeyd edib.
Starmer, qadağanın problemin həllində nəzərdən keçirilən variantlardan biri olduğuna işarə edərək, “Üç aydır davam edən məsləhətləşmə prosesində əldə edilən sübutlara əsasən qərar verəcəyik” deyib.
Qadağa tətbiq edilib-edilməməsi ilə bağlı müxtəlif fikirlərin olduğunu vurğulayan Starmer, “Bəziləri 16 yaşdan aşağı olan hər kəsə sosial media qadağası tətbiq edilməli olduğunu deyir. Uşaqların Müdafiəsi üzrə Milli Cəmiyyət (NSPCC) kimi uşaqları qoruma sahəsində çalışan qurumlar isə buna "yox" deyirlər. Onlar bunun uşaqları daha qaranlıq guşələrə itələyəcəyini bildirirlər”,- deyib.
Uşaqların sosial medianı faydalı məqsədlərlə də istifadə etdiyini qeyd edən Starmer, “Bizə illərlə deyil, aylar ərzində hərəkət etmək səlahiyyəti verilib. Təkcə yaş məsələsinə deyil, eyni zamanda avtomatik sürüşdürmə funksiyasına malik, sizi davamlı olaraq ekrana bağlayan və sürüşdürməni heç vaxt dayandıra bilməməyinizə səbəb olan cihazlar və tətbiqlər məsələsində də çox sürətli hərəkət etməliyik”, - deyib.
Ən son xəbərləri və yenilikləri almaq üçün ain.az saytını izləyin.
