Elmi tədqiqatlar göstərir ki, yuxu istənilən yaşda vacibdir. O, zehni gücləndirir, bədəni bərpa edir və demək olar ki, bütün sistemlərini gücləndirir.
Lakin bəzən insanlar daim yuxululuq hiss edirlər.
Həddindən artıq yuxululuq ən çox yorğunluq, stress, müxtəlif xroniki xəstəliklər və ya antidepresanlar kimi müəyyən dərmanların qəbulu nəticəsində yaranır.
Ucnoqta.az xəbər verir ki, alimlərin fikrincə, gecə 7-9 saatlıq sağlam yuxu cədvəli bədən üçün faydalıdır. Lakin həddindən artıq yuxu ürək xəstəliyi, 2-ci tip diabet, depressiya və piylənmə riskini artırır.
Alimlər müxtəlif yaşlar üçün tövsiyə olunan yuxu vaxtları hazırlayıblar. Hər qrup sağlam fərdlər üçün tövsiyə olunan gecə yuxu müddəti diapazonunu təqdim edir. Bəzi hallarda, şəraitdən asılı olaraq, ümumi diapazondan bir saat çox və ya az yatmaq məqbul ola bilər.
