Yüksək Liqa: “DH Volley” “Murov”u da yendi – ARENA.AZ

Qadın voleybolçular arasında təşkil edilmiş Azərbaycan çempionatında (Yüksək Liqa) bu gün 12-ci tura yekun vurulub.

Arena.az xəbər verir ki, turun sonuncu oyun günündə bir qarşılaşma baş tutub.

“Murov” doğma meydanda “DH Volley” komandası ilə üz-üzə gəlib. “Murov”un idman zalında baş tutmuş görüş qonaq komandanın 3:0 (25:22, 25:17, 25:21) hesablı qələbəsi ilə yekunlaşıb.

Xatırladaq ki, turun əvvəlki matçlarında “Azərreyl” UNEC-ə (3:1), “Turan” “Gəncə”yə (3:1) “Milli Aviasiya Akademiyası” isə “Abşeron”a (3:1) qalib gəlib.

Yüksək Liqa
12-ci tur
6 fevral

“Murov” – “DH Volley” 0:3 (22:25, 17:25, 21:25)
“Murov”n idman zalı.