“Turan Tovuz” kubokda 10-cu, evdə 5-ci qələbəsinə sevindi

Premyer Liqada da mübarizə aparan “Turan Tovuz” komandası futbol üzrə Azərbaycan Kubokunda 10-cu qələbəsini qazanıb.

Arena.az xəbər verir ki, bu, Azərbaycan Kubokunun 2025/2026-cı illər mövsümünün 1/4 final mərhələsi çərçivəsində baş tutmuş “Kəpəz”lə ev qarşılaşmasında qeydə alınıb.

Tovuz təmsilçisi 1/4 final mərhələsinin ilk görüşündə 1:0 hesabı ilə qalib gəlib. Bu, klub tarixində 18-ci kubok matçında 10-cu qələbə olub. Evdə 5-ci dəfə qalib gəlmiş qərblilər səfərdə də eyni sayda uğura malikdir.

Qeyd edək ki, “Turan Tovuz” Azərbaycan Kuboku tarixindəki ilk qələbəsini 2015/2016-cı illər mövsümünə təsadüf etmiş debüt matçında qazanıb. Qərblilər səfərdə keçirilmiş 1/16 final mərhələsinin görüşündə MOİK-i məğlub etmişdilər – 2:1.