ABL: “Quba” “Sərhədçi”yə qalib gəldi

Bu gün Azərbaycan Basketbol Liqasında (ABL) 2025/2026-cı illər mövsümünün 16-cı turunun növbəti oyunu keçirilib.

Arena.az xəbər verir ki, ikinci oyun günündə də bir qarşılaşma baş tutub.

Günün yeganə matçı Bakı İdman Sarayında keçirilib. Burada “Quba” “Sərhədçi” ilə üz-üzə gəlib. B qrupunun oyununda “Quba” 97:89 hesablı qələbə qazanıb.

Xatırladaq ki, ötən gün baş tutmuş turun ilk oyununda “Sumqayıt” “Lənkəran”ı məğlub etmişdi – 102:77.

16-cı tura fevralın 8-də yekun vurulacaq.

A qrupu: Sabah – 29. Abşeron Lions – 28. Neftçi – 22. Gəncə – 22. NTD – 18. Şəki – 17.

B qrupu: Ordu – 29. Naxçıvan – 27. Sumqayıt – 22. Quba – 22. Sərhədçi – 21. Lənkəran – 20.

Xatırladaq ki, ABL oyunları dörd dövrədən və 20 turdan ibarət olacaq. Müntəzəm mövsümün oyunları A və B qruplarına bölünməklə keçirilir. Müntəzəm mövsümdə A qrupunu ilk 3 sırada tamamlamış klublarla yanaşı, B qrupunu lider bitirmiş komanda pley-offun 1/4 final mərhələsinə vəsiqə qazanacaq. A və B qruplarında digər yerləri tutmuş komandalar isə pley-offun 1/8 final mərhələsində üz-üzə gələcəklər. Bu mərhələdə ən tez iki qələbə qazanacaq klublar 1/4 finala yüksələcəklər. Həm 1/4 final, həm də yarımfinal seriyaları 2 qələbəyə qədər davam edəcək.

Final seriyasında isə ən tez 3 qələbə qazanacaq klub Azərbaycan Basketbol Liqasının çempionu olacaq.