İranın cənubundakı Bəndər-Abbas şəhərində partlayış baş verib.
"Cebheinfo.az" yerli mediaya istinadən xəbər verir ki, İranın Hörmüzqan əyalətinə bağlı Bəndər-Abbas şəhərində, Müəllim prospektində yerləşən 8 mərtəbəli binada güclü partlayış qeydə alınıb.
Partlayış nəticəsində yaşayış binasına ciddi ziyan dəyib. Hadisə nəticəsində 10 nəfər yaralanıb.
Hazırda hadisə yerinə çoxsaylı yanğınsöndürmə və axtarış-xilasetmə qrupları cəlb olunub.
İkinci partlayış isə Əhvaz şəhərində yaşayış binasında baş verib. Partlayış zamanı 4 nəfər ölüb.
Partlayışın səbəbi ilə bağlı hələlik rəsmi açıqlama verilməyib.
