Yanvarın 28-də Odessada Rusiyanın 27 yanvar gecəsi baş verən hücumunda həlak olanlar üçün matəm günü elan edilib.
Bu barədə şəhərin hərbi administrasiyasının rəhbəri Sergey Lısak məlumat verib. İşğalçıların hücumları nəticəsində zərər çəkmiş binanın dağıntıları altından həlak olan üç nəfərin cəsədləri çıxarılıb. Daha 35 nəfər yaralanıb.
Lısak həmçinin bildirib ki, Odessa 28 yanvar gecəsi yenidən Rusiya Federasiyasının hücumuna məruz qalıb. “Ardıcıl ikinci gecədir ki, düşmən zərbələri və yaşayış binalarının və dini binaların dağıdılması altındayıq. Üç nəfər yaralanıb”, – deyə hərbi administrasiya rəhbəri yazıb. Onun sözlərinə görə, 21 yaşlı kişi qəlpə yaraları ilə xəstəxanaya yerləşdirilib və vəziyyəti orta-ağırdır. Digər iki kişiyə (67 və 80 yaşlarında) yerində lazımi tibbi yardım göstərilib. Onlara travmatik beyin zədəsi və kəskin stress reaksiyası diaqnozu qoyulub və xəstəxanaya yerləşdirməkdən imtina edilib.
Lısak əlavə edib ki, bütün təcili yardım xidmətləri hadisə yerində işləyir.
//Samir Qurbanov, Editor.az
