Növbəti Türkiyə klubundan istefa xəbəri gəldi

Qol.az saytından alınan məlumata görə, ain.az bildirir.

Növbəti Türkiyə klubundan istefa xəbəri gəldi

Türkiyənin Super Liqa klubu "Fatih Karagümrük" istefa xəbəri ilə gündəmə gəlib.

QOL.az xəbər verir ki, bu qərar Super Liqasının 17-ci turunda "Alanyaspor"a 0:2 hesabı ilə məğlubiyyət matçından sonra açıqlanıb. Belə ki, İstanbul təmsilçisinin texniki direktoru Atılay Canel matçdan sonra keçirilən mətbuat konfransında məşqçilər korpusu olaraq istefa verdiklərini açıqlayıb. Mütəxəssis qərarını belə şərh edib: 

"Yaxşı oynamadıq və istədiklərimizi həyata keçirə bilmədik. Klubumuz ikinci dövrədə yenidənqurma işləri aparacaq. Biz də bu prosesdə texniki heyət olaraq vəzifəmizdən ayrılmaq qərarına gəldik. İnanıram ki, çox yaxşı transferlər ediləcək və klub liqada qalacaq. Formanın ağırlığını qaldıra bilməyən futbolçularla da yollar ayrılacaq".

Qeyd edək ki, geridə qalan 17 turda cəmi 9 xal toplayan Fatih Karagümrük turnir cədvəlinin sonuncu pilləsində qərarlaşıb və mövsümün ilk yarısını autsayder kimi tamamlayıb.

Hadisənin gedişatını izləmək üçün ain.az saytında ən son yeniliklərə baxın.