Bundestaq bu gün Almaniyanın yenidən silahlanması üçün rekord bir ili başa vuraraq 50 milyard avroluq nəhəng hərbi satınalma paketini təsdiqləməyə hazırlaşır.
HİT.az xəbər verir ki, ölkə 2025-2030-cu illər arasında müdafiəyə ümumilikdə 650 milyard avro xərcləməyi planlaşdırır. "Financial Times" qəzetinin məlumatına görə, bu, əvvəlki beş ildə xərclənən məbləğin ikiqatıdır.
Artan maliyyələşdirmə qismən Berlin rəsmiləri arasında Rusiyanın 2029-cu ilə qədər NATO-ya hücum etməyə hazır ola biləcəyi ilə bağlı narahatlıqlarla bağlıdır. Çərşənbə günü təsdiqlənəcək satınalmalar arasında əsgərlər üçün 21 milyard avro dəyərində geyim və qoruyucu avadanlıq, 4 milyard avro dəyərində Puma piyada döyüş maşınları və NATO-nun şərq cinahında Avropa kəşfiyyat imkanlarını artırmaq üçün hazırlanmış peyk sistemləri üçün 2 milyard avroluq müqavilə var.
Berlində yerləşən Edina beyin mərkəzinin direktoru Kristian Mellinq iddia edir ki, Almaniya hərbi proqramlarının şüarı "2029-cu ilə qədər əlimizdən gələn hər şeyə sahib olmaq"dır. Xüsusilə, Bundesver 1 milyard avroya 12.000-ə qədər silahlı dron almaq istəyir. Çatdırılmalara 2026-cı ilin əvvəlində başlamaq planlaşdırılır.
11 dekabrda NATO-nun baş katibi Mark Rutte "babalarımızın və ulu babalarımızın" yaşadığı kimi "böyük miqyaslı müharibəyə" hazırlıq çağırışı etdi. O, ittifaqın "Rusiyanın növbəti hədəfi" olacağına inanırdı. Kreml cənab Ruttenin açıqlamasını "məsuliyyətsiz" adlandırdı. Prezident Vladimir Putin dəfələrlə Rusiyanın NATO-ya hücum etmək niyyətində olmadığını iddia edib.
Samir
