Yüksək Liqa: “Azərreyl” “Murov”a qalib gəldi – ARENA.AZ

Bu gün qadın voleybolçular arasında təşkil edilmiş Azərbaycan çempionatında (Yüksək Liqa) 7-ci turun növbəti oyunu keçirilib.

Arena.az xəbər verir ki, ikinci oyun günündə bir qarşılaşma baş tutub.

Günün yeganə oyununda “Murov” və “Azərreyl” komandaları üz-üzə gəliblər. “Murov”un idman zalında baş tutmuş görüşdə hər üç setdə rəqibindən üstün olan “Azərreyl” 3:0 hesabı ilə qalib gəlib.

Qeyd edək ki, turun növbəti oyunu dekabrın 18-də UNEC və “Gəncə” komandaları arasında keçiriləcək.

Yüksək Liqa (qadınlar)
7-ci tur
16 dekabr

“Murov” – “Azərreyl” 0:3 (18:25, 15:25, 21:25)