Sherg.az portalından əldə olunan məlumata əsasən, ain.az xəbər verir.
Hakan Hatipoğlu uzun illər gizli saxladığı bir hadisəni ilk dəfə açıqlayıb. O, Hollivud ulduzu Brüs Uillisin keçmişdə aralarında yaşanan gərginliyə səbəb olduğunu bildirib.
Sherg.az xəbər verir ki, Hakan və Gizem Hatipoğlu tanış olduqları yarışmadan sonra 2011-ci ildə ailə qurublar. Həmin yarışmanın final bölümündə isə Brüs Uillisin həyat yoldaşı Emma Heming iştirak etmişdi.
Hadisəni danışan Hakan Hatipoğlu bildirib ki, final çəkilişində Gizemi dəstəkləməyə gələn Brüs Uillis ona xüsusi diqqət göstərib:
“Brüs Uillis gəldi, daim Gizemə baxırdı. Bir anda “Gözlərin nə qədər gözəldir” dedi və Gizemi öpdü. O an dəli oldum.”
Hakan Hatipoğlu həmin vaxt hisslərinə qapılaraq düşündüyünü dilinə gətirdiyini söyləyib:
“O an özümü itirdim. Dedim ki, ‘Siz mənim sevgilimi öpdünüz, mən də sizin həyat yoldaşınızı öpə bilərəmmi?’ İndi xatırlayanda utanıram.”
Onun sözlərinə görə, Brüs Uillis sakit şəkildə cavab verib:
“Xeyr, o mənim həyat yoldaşımdır, Gizem isə sənin sevgilindir.”
Hadisə illər əvvəl yaşansa da, Hatipoğlu etiraf edir ki, həmin anı bu gün də xatırlayanda həyəcanlanır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
