ain.az bildirir, Azpolitika.az saytına əsaslanaraq.
Dekabrın ilk on günündə qlobal ehtiyat valyutalarına qarşı kəskin şəkildə möhkəmləndikdən sonra Rusiya rublu zəifləməyə başlayıb.
“AzPolitika” xəbər verir ki, “Freedom Finance Global”-ın təhlilində belə deyilir.
"Yuanın məzənnəsi yenidən 11,2 rublu keçib. Birjadankənar bazarda ABŞ dolları bir faizdən çox bahalaşaraq 79 rublu keçib, avro isə artıq 93 rubla yaxınlaşır. Rublun məzənnəsinin bu qədər kəskin şəkildə yüksəlməsindən enişə doğru dəyişməsi, gələn həftə açılacaq AB sammitində bloklanmış Rusiya aktivlərinin müsadirə edilməsi ehtimalının artması ilə əlaqələndirilə bilər”.
“Freedom Finance Global” yaxın günlərdə dollar məzənnəsinin 77,5-80 rubl, avronun 91-93,5 rubl və yuanın 11-11,5 rubl diapazonunda olacağını proqnozlaşdırıb.
Lakin rublla bağlı daha pessimist proqnozlar da var. “Eyler” investisiya şirkətinin analitiklərinə görə, 2026-cı ilin birinci rübündə Rusiya Mərkəzi Bankının valyuta satışlarını azaltması rublun təxminən 10% dəyərdən düşməsinə səbəb ola bilər.
Onların proqnozuna görə, fevralın sonuna dolların məzənnəsi 85 rubl, yuanın məzənnəsi isə 12 rubl səviyyəsində olacaq.
Analitiklərə görə, Rusiya neftinin qiymətinin düşməsi və endirimlərin əhəmiyyətli dərəcədə genişlənməsi də rubla təsir göstərə bilər.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
