Milli Şuranın sədri Cəmil Həsənli Dövlət Təhlükəsizliyi Xidmətinə dəvət olunub.
Moderator.az Musavat.com-a istinadla bildirir ki, bu barədə onun özü sosial şəbəkələrdə paylaşdığı statusda məlumat verib.
Milli Şura rəhbəri Prezident Administrasiyasının sabiq rəhbəri Ramiz Mehdiyevlə əlaqədar başladılan istintaq işi çərçivəsində DTX-yə dəvət olunduğunu bildirir. O, evində axtarışların aparılacağını da istisna etmir.
Qeyd edək ki, "Ramiz Mehdiyev işi" ilə əlaqədar noyabrın 29-da AXCP sədri Əli Kərimli və bir neçə partiya funksioneri saxlanılıb.
