Sosial şəbəkə şirkətlərinin Türk Dövlətləri Təşkilatına üzv ölkələrdə ofisləri açılmalıdır.
Hafta.az xəbər verir ki, bunu Qırğızıstanın mədəniyyət, informasiya və gənclər nazirliyinin “İnformasiya Siyasəti Departamenti” nin baş mütəxəssisi Zarina Kalmuratova Türk Dövlətləri Təşkilatının Media Forumunda deyib.
Qırğızıstanlı ekspert bildirib ki, media savadlılığının artırılması çox vacibdir:
"Media savadlılığı sadəcə dezinformasiyanın həqiqi məlumatdan ayırd etmək bacarığı ilə məhdudlaşmamalıdır. Nəyi işıqlandırmaq olar? Nəyi diqqət mərkəzinə gətirmək olar? Bu suallar ətrafında düşünülməldir. Qırğızıstanda fake məlumatlardan qorunma qanunu mövcuddur və bu qanun 3 ildir ki, qüvvədədir. Ölkəmizdə qeydiyyatdan keçmiş informasiya agentlikləri hüquqi şəxslərə qarşı dezinformasiya yaydıqda, onların etibarını zədələdikdə, bu agentliklər cəzalandırılır. Lakin, bu dezinformasiyalar “Facebook”, “İnstagram”, “TikTok” kimi platformalardan yayıldıqda, təəssüf ki, onlara qarşı bir şey edə bilmirik. Ona görə də düşünürəm ki, sosial şəbəkələrin TDT ölkələrində ofisləri açılsa yaxşı olar”.
