ain.az, Qafqazinfo portalından verilən məlumatlara əsaslanaraq xəbər verir.
“Apple Computer” (hazırda “Apple Inc.” adlanır - red.) şirkətinin təsis sənədi hərraca çıxarılıb.
“Qafqazinfo” “9to5Mac”a istinadən xəbər verir ki, söhbət Stiv Cobs, Stiv Voznyak və Ron Veyn tərəfindən imzalanmış 1976-cı il tarixli üç səhifəlik tərəfdaşlıq müqaviləsindən gedir.
Ekspertlər sənədin 2-4 milyon dollara satıla biləcəyini proqnozlaşdırırlar. Proqnoz özünü doğruldarsa, bu, “Apple” şirkəti ilə bağlı ən bahalı lot olacaq.
Sənədin “Christie's” hərrac evinin 23 yanvar 2026-cı il tarixli hərracında təqdim ediləcəyi gözlənilir.
Qeyd edək ki, müqavilədə iştirakçıların ilkin payları müvafiq olaraq 45%, 45% və 10% səviyyəsində müəyyən edilib. Lakin bir neçə gün sonra Veyn öz payını 800 dollara satıb. Onun satdığı pay hazırda təxminən 400 milyard dollar dəyərində qiymətləndirilir.
Ən son xəbərləri və yenilikləri almaq üçün ain.az saytını izləyin.
