Amerika, Polşa və Rumıniya hərbçiləri Polşada pilotsuz uçuş aparatları ilə mübarizə üçün nəzərdə tutulmuş Türk Merops (Multispektral Genişləndirilmiş Optik Görmə) hava müşahidə sistemlərindən istifadə etmək üçün on günlük təlim keçiblər.
Busaat.az xəbər verir ki, bunu Dövlət Departamentinin təşkil etdiyi brifinqdə ABŞ ordusunun 10-cu Hava və Raketdən Müdafiə Komandanlığının rəhbəri, briqada generalı Kertis Kinq deyib.
“Noyabrın 18-də Polşa, Amerika və Rumıniya qoşunları Ukraynada döyüşlərdə effektivliyini sübut edən “Merops” adlı əks-dron sistemlərinin istifadəsi üzrə təqribən on günlük birgə təlimi başa vurublar”, – o deyib.
Kinqin sözlərinə görə, bu təlimlər sürətli məlumat mübadiləsi və yeni sistemlərin inteqrasiyası, eləcə də hərbi-sənaye kompleksinin müəssisələri ilə qarşılıqlı əlaqənin mümkünlüyünü nümayiş etdirib.
Bundan əlavə, Kinqin sözlərinə görə, ən azı 11 tərtibatçı tərəfindən təmin edilən müxtəlif dron aşkarlama və tıxanma sistemlərinin sınaqları keçən həftə Almaniyada tamamlanıb. Kinq bildirib ki, bu səylər son nəticədə NATO-nun şərq cinahında pilotsuz təyyarələrə qarşı müdafiəni gücləndirmək məqsədi daşıyır.
Yeganə
