İsrailin Baş naziri Benyamin Netanyahunun Ceffri Epşteynin Mossad-la əlaqələrini iddia edən məqalə paylaşması çaşqınlığa səbəb olub.
Hafta.az-ın yazdığına görə, dünən X hesabında paylaşdığı bir paylaşımda Netanyahu ABŞ-da fəaliyyət göstərən “Jacobin”jurnalından "Ceffri Epşteyn İsrail seçkilərinə müdaxilədə ittiham olunur" başlıqlı bir məqaləni daxil edib.
21 noyabrda dərc olunan məqalədə ABŞ Nümayəndələr Palatasının Nəzarət Komitəsi tərəfindən 12 noyabrda açıqlanan Epşteynin sənədləri araşdırılır.
Epşteynin İsrail üçün casusluqda iştirakı uzun müddətdir mübahisəli bir iddia olub. Bu yaxınlarda dərc edilən 20 min səhifəlik sənəd Epşteynlə İsrailin keşmış Baş naziri Ehud Barak arasında əlaqələri ortaya çıxarıb.
“Jacobin” də həmçinin qeyd olunur ki, Fələstin tərəfdarı olan Handala haker qrupu sentyabr ayında Barak və Epşteyn arasında bir neçə elektron poçt dərc edib.
Komitə sənədlərinə və yazışmalarına görə, Epşteyn 2012-ci ildə siyasətdən təqaüdə çıxdığını elan edən Barakın 2019-cu il ümumi seçkilərində Netanyahuya qarşı namizədliyini irəli sürməsini təşkil etdiyini bildirib.
Məlumata görə, Epşteyn Barak və ona yaxın şəxslərlə görüşlər keçirib və hazırda 83 yaşlı siyasətçini İsrail Demokrat Partiyasını yaratmağa və seçkilərdə iştiraka razı salıb. Lakin Barakın partiyası Parlamentdə heç bir yer qazana bilməyib.
İddia olunur ki, Epşteyn bu əlaqələrə istinad edərək "gizli şəkildə İsrail hökuməti adından işləyirdi".
Amerikalı jurnalist Taker Karlson da iddia etdi ki, Epşteyn "İsrail üçün işləyirdi və Vaşinqtonda hər kəs eyni şeyi düşünürdü, lakin bu, açıq şəkildə deyilmirdi" deyib.
