ain.az, Bizimyol saytına istinadən bildirir.
İsrail Müdafiə Qüvvələri Livanın paytaxtı Beyruta hava zərbəsi endirdiyini, hədəfin isə "Hizbullah" administrasiyasının rəhbəri Haytam Əli Tabatabayi olduğunu bildirib.
"Report" xəbər verir ki, bu barədə ordunun mətbuat xidməti məlumat yayıb.
Baş nazir Binyamin Netanyahunun dəftərxanası da bu məlumatı təsdiqləyib: "Bu yaxınlarda İsrail Müdafiə Qüvvələri Beyrutun mərkəzində "Hizbullah"ın hərbi gücünün və silahlanmasının artırılmasına rəhbərlik edən qərargah rəisinə zərbə endirib".
Öz növbəsində, Livanın Milli İnformasiya Agentliyi xəbər verib ki, İsrail ordusu Beyrutun cənub ətraflarına iki raket zərbəsi endirib, nəticədə Dahiyədə, Haret-Xreykdə çoxmənzilli yaşayış binası zədələnib. Yaralılar barədə məlumat verilir, həmçinin avtomobillərə və infrastruktur obyektlərinə ciddi ziyan dəyib.
Daha ətraflı məlumat və yeniliklər üçün ain.az saytını izləyin.
