Saç tipinizə uyğun daraq seçimi həm saç sağlamlığını qorumağa, həm estetik görünüşü yaxşılaşdırmağa kömək edir.
Pravda.az müxtəlif saç tipləri üçün tövsiyə olunan daraq növlərini təqdim edir:
Düz saçlar: İncə dişli daraqlar idealdır. Saçın hamar görünməsini təmin edir və statik elektriklənməni azaldır. Saçlar islaq olduqda isə geniş dişli daraqdan istifadə etmək məsləhətdir.
Dalğalı saçlar: Dalğa formasını qorumaq üçün geniş dişli daraq yaxşıdır. İslaq saçlarda nazikcə daramaq dalğanın formalaşmasına kömək edir.
Qabarıq saçlar: Bu tip saçlar üçün geniş dişli daraqlar və ya dizaynı “qıvrımlı” olan fırçalar tövsiyə olunur. Bu, saçda həcmi azaltmadan daramağa imkanı verir.
Qıvırcıq saçlar: Geniş dişli daraqlarla yanaşı, xüsusi “qıvırcıq fırçaları” da istifadə etmək faydalıdır. Saçlar islaq olarkən yumşaq şəkildə daramaq dalğa strukturunun qorunmasına və düyünlərin açılmasına kömək edir.
İncə saçlar: Yüngül, incə dişli daraq seçilməlidir. Bu tip daraq saçların qırılma riskini azaldır və daha dolğun görünməsini təmin edə bilər.
Qalın saçlar: Geniş dişli və nisbətən ağır daraqlar ideal seçimdir. Qalın saçlarda bu daraqlar düyünləri daha asan açır. Eyni zamanda, saçlar islanmış halda daranması da effektlidir.
Əminə Bayramova
