Avropa İttifaqının (Aİ) xarici işlər nazirləri Rusiyaya məxsus neft daşıyan tankerlərə qarşı sanksiyaları müzakirə edəcəklər.
Herbiand.az -ın “TASS”a istinadən verdiyi məlumata görə, bu barədə Aİ-nin diplomatik xidmətinin rəhbəri Kaya Kallas cümə axşamı Brüsseldə keçiriləcək xarici işlər nazirlərinin görüşündən əvvəl bildirib.
“O cümlədən, Rusiyanın ‘kölgə donanması’na qarşı yeni sanksiyalarını da müzakirə edəcəyik”, – deyə o qeyd edib.
Diplomatik mənbələrin məlumatına görə, Aİ bu tankerlərin açıq dənizdə saxlanılması və yoxlanılması üçün onların üzərində bayraqları dalğalanan ölkələrdən icazə almaq niyyətindədir. Bu qərar Aİ tərəfindən sanksiya tətbiq olunan tankerlərə şamil edilməlidir.
Nazirlər həmçinin sanksiya altına düşən tankerlərin siyahısının sürətlə genişləndirilməsi sistemini müzakirə etməyi planlaşdırırlar ki, bu işi yeni sanksiya paketlərinin qəbulunu gözləmədən “fasiləsiz və avtomatik” şəkildə aparmaq mümkün olsun.
