ABŞ-ın Ukraynadakı müharibəni sona çatdırmaq üçün hazırladığı “sülh planı” çərçivəsində Kiyev Rusiyaya əhəmiyyətli ərazi güzəştləri etməli və ölkəyə sülhməramlı qüvvələrin yerləşdirilməsi və NATO üzvlüyü tələbindən imtina etməlidir. Vətəninfo.az xəbər verir ki, bu barədə The Wall Street Journal yazır.
Amerikalı rəsmilərin məlumatına görə, ABŞ planı Qəzzada atəşkəsin təmin edilməsi üçün istifadə olunan çoxməqsədli yanaşmanın bir nümunəsi kimi tərtib edib və döyüşən tərəfləri planı qəbul etməyə təşviq etməyi hədəfləyir.
Lakin Avropa rəsmisinin sözlərinə görə, bu plan Kiyev və bəzi Avropa hökumətləri tərəfindən ciddi müqavimətlə qarşılaşa bilər.
Mənbələr bildirir ki, plan çərçivəsində Ukrayna Donbasın şərqini, o cümlədən hazırda Kiyev tərəfindən nəzarət edilən əraziləri Rusiyaya təhvil verməli olacaq. Bundan əlavə, ölkə bir neçə il ərzində NATO üzvlüyünə qoşulmaqdan imtina etməli və beynəlxalq sülhməramlı qüvvələrin ərazidə yerləşdirilməsinə icazə verməyəcək. Əvəzində isə Moskva Ukraynaya və digər Avropa ölkələrinə hücum etməyəcəyinə dair qanuni öhdəlik götürəcək.
Tramp administrasiyasının nümayəndəsi bildirib ki, prezident Tramp üçün əsas məsələ Rusiyanın ələ keçirdiyi əraziləri Ukraynaya qaytarmaq deyil, döyüş əməliyyatlarını dayandıracaq bir razılaşmaya nail olmaqdır.
