2009-cu ilin dünya çempionu Censon Batton 2025-ci ilin ikinci yarısında həmvətəni, “Maklaren” pilotu Lando Norrisin çıxışlarını şərh edib.
90deqiqe.Az xəbər verir ki, "Speed Week" 45 yaşlı keçmiş pilotçunun dediklərini belə çatdırıb.
“Yay fasiləsindən sonra onun performansını izləmək möhtəşəm idi. Deyə bilmərəm ki, o dəyişib, çünki onun sürəti həmişə var idi, amma inamı indi daha yüksəkdir və bunu görmək çox gözəldir. Hazırda onun üçün emosional cəhətdən çətin dövrdür. Hər bir uşaq kimi sən də beş yaşından dünya çempionu olmaq istəyirsən. Bu həmişə xəyal olub. Və indi bu fürsət ortaya çıxır. Suallar yaranır: onu finişə qədər daşıya biləcəksənmi? Mən bu hissi sevirəm, amma eyni zamanda bu çox çətindir. Mən həqiqətən heyranam ki, Lando bu təzyiq altında necə çıxış etdi. O, sadəcə ritmdə idi. Həqiqətən təsir edici idi.
Və bu maraqlıdır, çünki hər kəs, mən də daxil olmaqla, düşünürdü ki, bəlkə Oskar təzyiqi daha yaxşı idarə edəcək. Amma görünür hər şey dəyişib. Bunun bir çox səbəbi ola bilər, amma mən şəxsi təcrübəmdən bilirəm ki, çempionatda vəziyyət çətindir”
