Dekabr 2025-də təhvil üçün nəzərdə tutulan fyuçerslərin qiyməti son iki həftənin maksimumuna çatıb.
NOCOMMENT.az xəbər verir ki, bu barədə Nyu-York Əmtəə Birjası (Comex) məlumat yayıb.
2025-ci ilin dekabrında təhvil veriləcək qızıl fyuçerslərinin qiyməti bir troya unsiyası üçün 4 150 ABŞ dollarını ötüb. Bu, 24 oktyabrdan bəri qeydə alınan ən yüksək göstəricidir.
Bakı vaxtı ilə saat 07:33-ə olan məlumata əsasən, qiymət 3,63% artaraq 4 153,4 dollara yüksəlib. Bir neçə dəqiqə sonra artım sürətlənərək 4 153,5 dollara (+3,64%) çatıb.
07:42-yə olan vəziyyətə görə, qiymət bir qədər sabitləşib və 4 150,1 dollar (+3,55%) səviyyəsində qərarlaşıb
