Prezident İlham Əliyev 2025-ci il 8 noyabrda Azadlıq meydanında keçirilən Zəfər Paradında etdiyi çıxışında, Azərbaycanın ərazi bütövlüyü və müstəqilliyinin bərpası ilə bağlı əldə etdiyi tarixi qələbənin əhəmiyyətini bir daha vurğuladı ki, bu da yalnız hərbi qələbənin qeyd edilməsi yox, eyni zamanda eyni zamanda ölkənin daxili birliyinin, milli iradəsinin və təhlükəsizlik strategiyasının da dünyaya bəyan edilməsi idi.
Cənab Prezident çıxışında, Vətən müharibəsinin Azərbaycanın gücünü yalnız döyüş meydanında deyil, həm də xalqın birliyi və iradəsində olduğunu vurğuladı. "Bizim əsgərimiz bir addım belə geri çəkilmədi," – deyə Prezident qeyd etdi. Bu ifadə, həm ordu, həm də xalqın müharibə dövründəki əzmkarlığını və dözümünü ifadə edir. Məhz bu birlik və əzmkarlıq Azərbaycanı zəfərə aparan əsas amil olmuşdur. Prezidentin vurğuladığı bu məqam, ölkənin içindəki gücün, milli həmrəyliyin və vətənpərvərliyin müharibədəki əhəmiyyətini bir daha göstərdi.
Prezident həmçinin Ermənistanın müharibə dövründə törətdiyi təcavüzkar hərəkətlərə qarşı Azərbaycanın beynəlxalq hüquq və ədalətə əsaslanaraq mübarizə apardığını qeyd etdi və Ermənistan tərəfindən beynəlxalq hüquq pozuntularına diqqət çəkdi. Bu, həm də Azərbaycanın beynəlxalq müstəvidə, həm diplomatik, həm də hüquqi mübarizədə qələbə qazandığını göstərir. Prezidentin "Azərbaycan yalnız döyüş meydanında deyil, həm də beynəlxalq müstəvidə qələbə qazandı," ifadəsi, ölkənin yalnız fiziki mübarizə ilə deyil, həm də diplomatik, siyasi və hüquqi sahədəki gücü ilə erməni işğalını sona çatdırdığını vurğuladı.
Prezidentin çıxışı, həm də Azərbaycanın təhlükəsizlik məsələlərinə verdiyi önəmi göstərdi. Prezident İlham Əliyev, Ermənistanın təxribatlarına qarşı ölkənin qətiyyətli və təmkinli mövqeyini bəyan etdi. "Əgər Ermənistan yenə baş qaldırarsa, nəticə eyni olacaq," – bu ifadə Azərbaycanın gələcəkdə də öz ərazi bütövlüyünü qorumaq və hər hansı bir təhdidə qarşı mübarizə aparmaq niyyətini aydın şəkildə ortaya qoydu. Bu, Azərbaycanın milli təhlükəsizlik məsələlərinə nə qədər ciddi yanaşdığını göstərir. Prezidentin bu mövqeyi, həmçinin regionda və dünyada Azərbaycanın öz haqqını qorumaq üçün heç bir kompromisə getməyəcəyini bəyan edən güclü bir mesaj idi.
Çıxışın digər mühüm məqamlarından biri, Prezidentin Azərbaycanın müstəqil və güclü xarici siyasətini önə çıxarmasıdır. O, paradda iştirak edən Türkiyə və Pakistan liderlərinin iştirakı ilə bağlı xüsusi olaraq qeyd etdi ki, bu, yalnız üç dost və qardaş dövlət arasındakı münasibətlərin təntənəsi deyil, həm də bölgə üçün vacib olan təhlükəsizlik və iqtisadi əməkdaşlıq baxımından mühüm bir mesajdır. Türkiyə və Pakistanın müharibə dövründə Azərbaycana verdiyi siyasi və mənəvi dəstək, Prezident tərəfindən xüsusi olaraq vurğulandı. Bu dəstək, həm də Azərbaycanın xarici siyasətinin dayanıqlı və güclü bir platformada qurulmasına işarə etdi. Bu üçlü birliyin gələcəkdə həm iqtisadi, həm də təhlükəsizlik sahələrində mühüm rol oynayacağına dair verilmiş güclü bir mesaj idi.
Prezident İlham Əliyevin Zəfər Paradında etdiyi çıxış, yalnız Azərbaycanın qələbəsini qeyd etməkdən ibarət olmadı, həm də ölkənin gücünü, qardaşlıq münasibətlərini və gələcəyə dair inamını dünya ictimaiyyətinə çatdıran strateji bir bəyanat oldu. Bu çıxış, Azərbaycanın milli birliyini və iradəsini, həmçinin beynəlxalq aləmdə güclü mövqeyini göstərən bir mesaj oldu. Prezidentin çıxışı, həm də Ermənistanın təxribatçı hərəkətlərinə qarşı Azərbaycanın gələcəkdəki mövqeyinin nə qədər qətiyyətli olacağını bir daha dünyaya bəyan etdi.
Yusif Bağırzadə, politoloq
