Rusiya Prezidenti Vladimir Putinin nüvə silahının sınaqlarına hazırlıqla bağlı göstəriş verdiyi barədə yayılan məlumatlar təsdiqini tapmayıb.
Musavat.com xəbər verir ki, bu barədə Kremlin sözçüsü Dmitri Peskov açıqlama verib.
Peskov qeyd edib ki, Prezident Putin nüvə sınaqlarına başlamaq tapşırığı verməyib və bu məsələ yalnız onun məqsədəuyğunluğu qiymətləndirildikdən sonra müzakirə oluna bilər:
“İlk növbədə belə addımın nə dərəcədə zəruri və əsaslı olduğuna aydınlıq gətirilməlidir".
Peskovun digər vurğuları:
-
Nə Rusiya, nə də Çin nüvə silahı sınaqları aparmır.
-
Rusiya, nüvə sınaqlarının qadağan edilməsinə dair mövcud beynəlxalq razılaşmalara sadiq qalır.
-
Lakin Putin daha əvvəl bildirmişdi ki, əgər hər hansı ölkə nüvə sınaqlarını bərpa edərsə, Moskva strateji tarazlığı qorumaq üçün analoji addım atacaq.
Kreml nümayəndəsi bildirib ki, Rusiya təhlükəsizlik balansını qorumaqda həm siyasi, həm də hərbi baxımdan tam hazırdır və “strateji paritet istənilən halda təmin olunacaq".
Musavat.com
