Metbuat.az xəbər verir ki, Ukrayna ordusu Rusiyanın işğal etdiyi ərazidə 33 gün qalmış hərbçini zirehli robotla xilas edib. Robot minaları aşaraq və pilotsuz təyyarə hücumlarını dəf edərək geri qayıdıb. Ukrayna Quru Qoşunlarının məlumatına görə, bundan əvvəlki 4 cəhd uğursuz olub. Ardınca əsgərin xilas edilməsi üçün məsafədən idarə olunan zirehli robot göndərilib. Təxminən 64 kilometr məsafə qət edən robot, yolun yarısında zədələnməsinə baxmayaraq, missiyasını yerinə yetirib. Yaralı əsgərin vəziyyətinin sabit olduğu bildirilib.
