Misli Premyer Liqasının XI turunda “Şamaxı” doğma meydanda “İmişli”ni qəbul edəcək.
İdmanxeber.az-ın məlumatına görə, ev sahibi komanda görüşə itkilərlə çıxacaq. Andrey Tirkaveanu zədə səbəbindən oynamayacaq. Abdullahi Şuaybu və Alfons Msanqa isə cəzalı olduqları üçün bu qarşılaşmanı kənardan izləyəcəklər.
“İmişli”də isə cəmi bir itki var. Vüsal Qəmbərov zədə səbəbindən matçda çıxış edə bilməyəcək.
Qeyd edək ki, “Şamaxı” – “İmişli” qarşılaşması noyabrın 7-də keçiriləcək. Matçın start fiti 13:44-də səsləndiriləcək.
