ain.az bildirir, Ayna portalına istinadən.
Gürcüstan Baş Prokurorluğu keçmiş Prezidentə yeni cinayət işi açıb
Gürcüstan Baş Prokurorluğu keçmiş Prezident Mixail Saakaşviliyə və bir neçə müxalifət liderinə qarşı təxribat və hökuməti devirməyə çağırışlar ittihamı ilə cinayət işi açıb. AYNA.AZ gürcü mediasına istinadən bildirir ki, bu barədə ölkənin baş prokuroru Giorgi Qvarakidze keçirdiyi brifinqdə deyib.
Qvarakidze bildirib ki, "Mixail Saakaşvili, Giorgi Vaşadze, Nika Qvaramiya, Nikanor Melia, Zurab Qirçi Caparidze, Elene Xoştariya, Mamuka Xazaradze və Badri Caparidzeyə qarşı dövlətə qarşı törədilmiş cinayətlər, yəni təxribat, xarici dövlətə düşmənçilik fəaliyyətində kömək, konstitusiya quruluşuna və milli təhlükəsizliyin əsaslarına qarşı fəaliyyətin maliyyələşdirilməsi və konstitusiya quruluşunun və ya dövlət hakimiyyətinin zorla devrilməsinə çağırışlar ittihamı ilə cinayət işi başlanıb".
Baş prokuror qeyd edib ki, Ukraynada hərbi əməliyyatlar başladıqdan sonra Gürcüstan hakimiyyəti ölkədə sülhü qorumaq üçün Rusiyaya qarşı sanksiyalar tətbiq etməmək qərarına gəlib.
Eyni zamanda, müxalifət fiqurları Xoştariya, Caparidze və Vaşadze xarici hökumət nümayəndələrinə Gürcüstana neft məhsullarının idxalı, eləcə də İran dronlarının Rusiyaya çatdırılması üçün Gürcüstan hava məkanından istifadə edilməsi barədə məlumat sızdırmağa başlayıblar. Nəticədə, hökumət rəsmiləri də daxil olmaqla, təxminən 300 Gürcüstan vətəndaşına beynəlxalq sanksiyalar tətbiq edilib.
Bundan əlavə, Baş Prokurorluğun məlumatına görə, müxalifət 2024-cü ilin oktyabrında keçirilən parlament seçkilərində məğlub olduqdan sonra Caparidze, Vaşadze, Xoştariya, Qvaramiya, Melia, Xazaradze və Caparidze vəziyyəti radikallaşdırmaq üçün etiraz aksiyaları təşkil etməyə başlayıblar. Onlar inqilaba və hökumətin devrilməsinə çağırıblar. Saakaşviliyə gəldikdə isə, o, əhalini sosial media vasitəsilə qanunsuz hərəkətlər etməyə və hökumət binalarını blokada etməyə çağırıb.
Daha ətraflı məlumat və yeniliklər üçün ain.az saytını izləyin.
