Müəllif:Mehin Qasımova,Banco.az
ABŞ federal hökuməti yeni büdcənin təsdiq edilməməsi səbəbindən sentyabrın 30-da gecə yarısından etibarən bağlanıb və bu gün etibarilə 36 gündür fəaliyyətini dayandırıb.
Banco.az xəbər verir ki, bu, ölkə tarixində hökumətin ən uzun müddət bağlanması kimi qeyd olunur.
İqtisadçıların hesablamalarına görə, bağlanmanın iqtisadiyyata vurduğu zərər hər həftə 15-30 milyard dollar arasında dəyişir. 2019-cu ildəki rekord bağlanmadan fərqli olaraq, bu dəfə iqtisadiyyat daha kövrək vəziyyətdədir — inflyasiya, iş bazarındakı qeyri-müəyyənlik və sosial yardım proqramlarının dayanması təsirləri dərinləşdirir.
ABŞ Konqresinin Büdcə Ofisi xəbərdarlıq edir ki, davam edən bağlanma ölkənin dördüncü rübdə iqtisadi artımını 2 faizə qədər ləngidə bilər. Barclays bankının baş iqtisadçısı Conatan Millar isə bildirir ki, tarixi təcrübə göstərir ki, hökumətin bağlanması fəlakətə səbəb olmur, lakin bu dəfə fərqli ola bilər.
Federal işçilərin maaşlarının dayandırılması və milyonlarla amerikalının ərzaq yardımı proqramlarına çıxışının məhdudlaşması, xüsusilə bayram mövsümü ərəfəsində, sosial gərginliyi artırmaqdadır.
