Məşhur aktyorlar Brendan Freyzer və Reyçel Vays “Mumiya” film seriyasının davamında rol almaq üçün danışıqlar aparırlar.
AzPost -un məlumatına görə, bu barədə Deadline xəbər verir.
Brendan Freyzer və Reyçel Vays 1999-cu ildə çəkilmiş “Mumiya” və 2001-ci ildə çəkilmiş “Mumiya qayıdır” filmlərində birlikdə rol alıblar. Hər iki filmin rejissoru Stefan Sommersdir. Filmlərdən hər biri dünya üzrə 400 milyon dollardan çox gəlir əldə edib.
Brendan Freyzer amerikalı macərapərəst, xəzinə ovçusu və keçmiş əsgər Rik O’Konnelli, Reyçel Vays isə Qahirə Antik Əsərlər Muzeyində çalışan ingilis misirşünas Evelin Karnaxanı canlandırıb. Onlar birlikdə iki film boyunca qədim sərdabələrdə gəzir və düşmənlərlə döyüşürlər. Evelin ikinci filmdə Misir şahzadəsinin reenkarnasiyası olduğunu öyrəndikdən sonra ölür, lakin Rik onu yenidən həyata qaytarır.
Universal Pictures yeni filmin süjet təfərrüatlarını hələ açıqlamır. Deadline xəbər verir ki, “Axtarmağa gedirəm” və “Qışqırıq” filmlərinin rejissorları olan Mett Bettinelli-Olpin və Tayler Cillett filmin rejissoru olacaqlar. Ssenari “Ailə Planı” filmi ilə tanınan Devid Koqqeşal tərəfindən yazılacaq.
Əvvəllər orijinal franşizada işləmiş Şon Deniel prodüserlərdən biri olacaq.
“Mumiya” filmləri 2000-ci illərdə tamaşaçılar arasında çox populyar olub.
