BAKI,TurkicWorld, Nailə Babazadə
2025-ci ilin yanvar-oktyabr aylarında Türkiyənin dəri ixracı ötən ilin eyni dövrü ilə müqayisədə 0,4 faiz artaraq, 1 milyard 224 milyon 722 min dollara bərabər olub.
Bu barədə TurkicWorld-ə Türkiyə Ticarət Nazirliyindən bildiriblər.
“Bu ilin oktyabr ayında Türkiyə 129 milyon 964 min dollar məbləğində dəri ixrac edib ki, bu da keçən ilin oktyabr ayı ilə müqayisədə 2 faiz azdır” – deyə nazirlikdən bildirilib.
Qeyd olunub ki, son 12 ay ərzində (oktyabr 2024-oktyabr 2025) Türkiyə 1 milyard 471 milyon 242 min dollar məbləğində dəri ixrac edib.
