Sia Az portalından verilən məlumata əsasən, ain.az bildirir.
Nüvə mütəxəssisləri öz qiymətləndirmələrini veriblər…
...Prezident Vladimir Putinin bu həftə “uğurlu” sınaqdan keçirdiyini elan etdiyi “Poseydon” nüvə torpedası, Rusiya təbliğatının əksinə olaraq, Rusiyanın düşmənlərinin sahillərini yuyub aparacaq “radioaktiv sunami” yarada bilməz.
SİA xatırladır ki, Putin 2018-ci ildə “misilsiz” “Poseydon”un hazırlandığını elan etdi. O vaxtdan bəri təbliğatçılar və hökumətyönlü mütəxəssislər onun möcüzəvi xüsusiyyətlərini təbliğ edirlər.
“Vesti Nedeli” verilişinin aparıcısı Dmitri Kiselyov “Rossiya-1” reportajında iddia edir ki, Britaniya yaxınlığında “Poseydon”un partlaması “500 metr hündürlükdə sunami” yaradacaq.
O, belə bir su qasırğası həmçinin həddindən artıq dozada radiasiya daşıyır ki, bu da Britaniyanın qalıqlarını radioaktiv çölə çevirəcək, - deyə öyünürdü.
Dövlət Dumasının keçmiş deputatı və Qara Dəniz Donanmasının keçmiş komandiri Vladimir Komoyedov 29 oktyabrda “Arqumentı i Faktı” qəzetinə verdiyi müsahibədə “Bu, suya batırıldıqda partlayışından sunami yarada biləcək böyük bir nüvə bombasıdır”-deyib.
Dumanın spikeri Vyaçeslav Volodin ertəsi gün bəyan edib ki, Qərb ölkələri Putinin “Poseydon”u partlatmasının qarşısını almaq üçün ona “baş əyməlidirlər”.
BMT-nin Silahsızlanma Tədqiqatları İnstitutunun (Cenevrə) baş elmi işçisi Pavel Podviq qeyd edir ki, sahil infrastrukturunu məhv edəcək sunamiyə bənzər dalğalar yaratmaq üçün nüvə silahlarından istifadə ideyası Sovet İttifaqında bir neçə dəfə araşdırılıb və hər dəfə alimlər bunun mümkün olmadığı qənaətinə gəliblər.
Bu ideyanın Sovet “hidrogen bombası”nın yaradıcılarından biri olan Andrey Saxarov tərəfindən irəli sürüldüyünə inanılır. Lakin hesablamalar göstərir ki, belə bir dalğa tez bir zamanda dağılır və hətta bir araşdırma bu ideyanı “absurd” adlandırıb. Bunu Podviq qeyd edir.
...Karnegi Nüvə Tədqiqatları Fondunun tədqiqatçısı Nikol Qrajevski deyir ki, bu cür tədqiqatlar ilk dəfə 1950-ci illərdə aparılıb və nüvə partlayışının təsirini artırmaq üçün böyük dərinlikdəki zərbə dalğalarının təzyiqi və yayılmasının necə istifadə edilə biləcəyi araşdırılıb.
...Qrajevski "The Washington Post" qəzetinə verdiyi müsahibədə bildirib ki, "Sovet tədqiqat institutları bu cür partlayışları Ladoqa gölündə, daha sonra isə Novaya Zemlyada modelləşdiriblər.
Tədqiqatlar göstərib ki, kontinental şelf enerjinin çox hissəsini udur - güclü dalğalar tez bir zamanda dağılır və genişmiqyaslı sahil dağıntılarını fiziki olaraq qeyri-real edir.
...Almaniya Xarici Əlaqələr Şurasının tədqiqatçısı Andras Raczın sözlərinə görə, Putinin “Poseydon”dan əlavə, nüvə enerjisi ilə işləyən “Burevestnik”in də uğurlu buraxılışını elan edən nüvə qılıncına sonuncu dəfə qayıtması sanksiyaların tətbiqi və Qərbə təzyiq göstərmək zərurəti ilə əlaqələndirilir.
...Onlar deməyə çalışırlar ki, bizə sadəcə sanksiyalar tətbiq edə bilməzsiniz, biz böyük nüvə gücüyük və bizimlə danışıqlar aparmalısınız, - deyə Raş Kremlin məntiqini izah edir.
Sovet Siyasi Bürosu Soyuq Müharibə dövründə də eyni şəkildə fəaliyyət göstərirdi.
...Rusiyanın praktik olaraq ABŞ ilə eyni səviyyədə olduğu yeganə sahə, əlbəttə ki, kütləvi qırğın silahlarıdır. Buna görə də, təsir gücünə sahib olmaq üçün nüvə məsələsini danışıqlara daxil etməlidirlər.
Raş bunu "The New York Times" qəzetinə bildirib.
...Sovetlər də eyni şeyi edirdilər. Sovet iqtisadiyyatı qlobal ticarətin ölçüsü və həcmi baxımından Amerika iqtisadiyyatı ilə müqayisə edilə bilməzdi. Sovetlərin əsl kozırı onların nüvə arsenalı idi..?
Əli Babayev
Daha ətraflı məlumat və yeniliklər üçün ain.az saytını izləyin.
