Rusiyanın iki şəhərinin – Volqoqrad və Gelendjikin hava limanları təhlükəsizlik səbəbi ilə uçuşları dayandırıb.
NOCOMMENT.az bildirir ki, bu barədə Rosaviatsiya sözçüsü Artem Korenyako öz Telegram kanalında məlumat verib.
Departament nümayəndəsi bildirib ki, hava limanları uçuşların təhlükəsizliyini təmin etmək üçün müvəqqəti olaraq təyyarələri qəbul etmir və ya buraxmır.
Bundan əvvəl, şənbə günü, noyabrın 1-də Kaluqa, Penza, Samara və Saratov hava limanlarında müvəqqəti məhdudiyyətlər tətbiq edilib . İndi bu məhdudiyyətlər aradan qaldırılıb. Müdafiə Nazirliyinin məlumatına görə, ötən gecə Ukrayna Silahlı Qüvvələri Rusiya ərazisinə yüzə yaxın pilotsuz uçan aparatı buraxıb.
