“Ukrayna qlobal tərəfdaşları ilə birlikdə Rusiya ilə müharibənin mümkün sona çatmasına yaxınlaşıb. Bu, ilk növbədə ABŞ prezidenti Donald Tramp öz səyləri ilə buna töhfə verir”.
NOCOMMENT.az RBC-Ukrayna agentliyinə istinadən xəbər verir ki, bunu jurnalistlərə Ukrayna prezidenti Volodimir Zelenski bildirib.
Zelenski qeyd edib ki, Ukraynadakı vəziyyətin dünyada analoqu yoxdur və onun miqyası digər silahlı münaqişələri əhəmiyyətli dərəcədə üstələyir.
“Mən bu və ya digər ölkəni aşağılamaq və ya birinci yerə qoymaq istəmirəm. Lakin biz Yaxın Şərqdə baş verənləri burada baş verənlərlə müqayisə edə bilmərik. Müharibənin tamamilə fərqli həcmidir. Bu, müxtəlif hekayədir”, – deyə Ukrayna lideri vurğulayıb.
Zelenski nəzərə çatdırıb ki, ümumi ağrı və itkilərə baxmayaraq, Ukraynadakı müharibə istifadə olunan vasitələrin səviyyəsi və əməliyyatların səviyyəsi ilə seçilir:
“Sözsüz ki, orada belə itkilər, belə canlı insanlar və təəssüf ki, böyük itkilər var. Amma onlar müqayisəolunmazdır. Müharibənin itkiləri, resursları və miqyasını sadəcə müqayisə etmək olmaz”.
O, xatırladıb ki, Ukrayna ordusu üç ildən çoxdur ki, daha güclü düşmənə qarşı vuruşur:
“Biz Rusiya ordusu ilə vuruşuruq. Ona görə də bu müharibəni belə tez bitirmək olmur”.
Eyni zamanda, Zelenski hesab edir ki, son vaxtlar sülhə doğru real irəliləyiş üçün ilkin şərtlər yaranıb.
“Müharibənin mümkün sonuna yaxınlaşmışıq. Mən sizə dəqiq deyirəm. Bu, o demək deyil ki, o dəqiq bitdi. Lakin prezident Tramp Yaxın Şərqdə çox şeyi əldə edib və o, bu uğur dalğasında Rusiyanın Ukraynaya qarşı müharibəsini bitirmək istəyir”, – deyə Ukrayna prezidenti əlavə edib.
Zelenskinin sözlərinə görə, beynəlxalq danışıqlarda müharibəni dayandırmaq üçün güclü siyasi tələb formalaşır:
“Onun və dünyanın əhval-ruhiyyəsi budur: gəlin bütün qüvvələrimizi sərf edək və Rusiyanın Ukraynaya qarşı müharibəsini dayandıraq”.
Ukrayna prezidenti diqqətə çatdırıb ki, Rusiyaya həm hərbi, həm də diplomatik təzyiqlərin artırılması üçün ölkəsi bu əhval-ruhiyyədən fəal şəkildə istifadə edir.
“Biz bu əhval-ruhiyyədə hansısa addımlar atırıq – “Tomahavk”lar və s. – və bunlar yeni addımlardır, onlar həqiqətən Rusiyanı sıxışdırır”, – Zelenski əminliklə vurğulayıb.
Xatirə SADİQ
