BAKI, 15 oktyabr. TELEQRAF
Çinin Şandun əyalətində gömrük orqanları Tayvanın yanlış qeyd edildiyi səbəbilə 60 min xəritəyə əl qoyub.
Teleqraf xəbər verir ki, bu barədə Çin Gömrük Xidməti açıqlama yayıb.
Bildirilib ki, cənubi Çin dənizindəki bəzi mühüm adalar da göstərilməyib.
"Bu xəritələr ölkənin milli birliyinə, suverenliyinə və ərazi bütövlüyünə zərər vura bilər. Buna görə də onların satışı qadağan olunub",- açıqlamada deyilir.
