Olke.az saytından əldə olunan məlumata görə, ain.az məlumat yayır.
Oktyabrın 17-də ABŞ prezidenti Donald Tramp Ağ Evdə Ukrayna prezidenti Volodimir Zelenski ilə görüşəcək.
Ölkə.az “Axios”a istinadən xəbər verir ki, liderlər Kiyevə hansı silahların verilməsini, o cümlədən “Tomahavk” raketlərinin ötürülməsi imkanlarını müzakirə edəcəklər.
“Tərəflər Ukraynaya hansı silahların verilməli olduğunu, xüsusən də ABŞ-nin müharibədən əziyyət çəkən ölkəni vəziyyəti kökündən dəyişə biləcək uzaqmənzilli “Tomahavk” raketləri ilə təmin edib-etməməli olduğunu müzakirə edəcəklər”, - nəşr yazır.
Nəşr onu da yazıb ki, Zelenski ilə Tramp oktyabrın 11-də telefon danışığı zamanı Ukraynaya Tomaqavk tədarükünü müzakirə ediblər. Lakin mənbələr yekun qərarın verilib-verilmədiyini bildirməyib.
“Axios”un yazdığına görə, müəyyən məsələlər var ki, onları telefonla müzakirə etmək olmaz.
Nəşr onu da qeyd edib ki, uzaqmənzilli raketlər Ukraynaya materik Rusiyanın ucqar rayonlarını, o cümlədən Moskvanı hədəf almağa imkan verəcək.
Tramp bundan əvvəl Rusiyanın müharibəni davam etdirəcəyi təqdirdə “Tomahavk” qanadlı raketlərinin Ukraynaya veriləcəyini istisna etməyib.
Mürtəza
Hadisənin gedişatını izləmək üçün ain.az saytında ən son yeniliklərə baxın.
