Ajans.az xəbər verir ki,bu barədə “Focus Taiwan” nəşri məlumat yayıb. Hadisə sentyabrın sonunda Milandan Taypeyə həyata keçirilən reys zamanı baş verib. Məlumat oktyabrın 13-də yayımlanan birgə bəyanatda Taoyuan Şəhər Uçuş Müşavirləri Birliyi və EVA Airways korporativ birliyi tərəfindən ictimaiyyətə açıqlanıb. Xarici daşıyıcının nümayəndələri insidentlə bağlı araşdırma başladıldığını bildiriblər. İlkin məlumatlara görə, yüksək vəzifəli stüardessa, həmkarının səhhətindən şikayət etməsinə baxmayaraq, onun vəziyyətinə ciddi yanaşmayıb və təcili tibbi yardım məsələləri üzrə məsləhət verən Medlink yerüstü xidmətinə müraciət etməyib. Əksinə, o, stüardessanı işə qayıtmağa məcbur edib. Uçuş başa çatdıqdan sonra da xəstə əməkdaşa əlil arabasından istifadə etməyə icazə verilməyib və təcili yardım çağırılmayıb. Nəticədə, stüardessa xəstəxanaya aparılsa da, onun həyatını xilas etmək mümkün olmayıb. Hadisə ilə bağlı anonim bir stüardessanın həmkarlar ittifaqlarına göndərdiyi mesajda deyilir:
“Bu, sadəcə uğursuz təsadüf deyil, bu – ekipaj üzvlərinin sağlamlığına qarşı sistemli və uzunmüddətli laqeydliyin nəticəsidir.” Həmkarlar ittifaqlarının nümayəndələri ümid edirlər ki, bu faciədən sonra aviaşirkət rəhbərliyi işçilərin tez-tez xəstəlik və ya məzuniyyət götürməkdən çəkinməsinin səbəblərini nəzərə alacaq. Belə ki, bu cür halların onların illik mükafatlarına və karyera irəliləyişinə mənfi təsir göstərə biləcəyi vurğulanır.

 

• Uçuş
• Araşdırma
• Insident
• Tayvan
• Stüardessa
• Hal
• Dünyasını Dəyişdi
• Eva Airways