Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin (ETX) nümayəndələri Özbəkistanın Daşkənd şəhərində keçirilən “Cyber Security Summit 2025” tədbirində iştirak ediblər.
ETX-dən “Poliqon”a verilən məlumata görə, tədbirin ilk panelində çıxış edən Elektron Təhlükəsizlik Xidmətinin rəis müavini Elvin Şahverdiyev qlobal kibertəhlükəsizlik sistemində milli CERT-lərin rolu, regional əməkdaşlığın gücləndirilməsi və kibertəhdidlərə qarşı birgə mübarizənin vacibliyi barədə danışıb.
O, beynəlxalq tərəfdaşlarla əlaqələrin inkişaf etdirilməsinin milli kibermühitin dayanıqlığının təmin olunmasında mühüm rol oynadığını vurğulayıb.
Sammit çərçivəsində ETX ilə Özbəkistanın Dövlət Unitar Müəssisəsi “Kibertəhlükəsizlik Mərkəzi” arasında Anlaşma Memorandumu imzalanıb.
Sənəd kibertəhlükəsizlik sahəsində qarşılıqlı əməkdaşlığın inkişaf etdirilməsini, təcrübə mübadiləsinin genişləndirilməsini və birgə layihələrin həyata keçirilməsini nəzərdə tutur.
Qeyd edək ki, Elektron Təhlükəsizlik Xidmətinin də dəstək göstərdiyi “Cyber Security Summit 2025” tədbiri Azərbaycanla yanaşı, Mərkəzi Asiya və digər regionlardan olan dövlət qurumlarının, təşkilatların və kibertəhlükəsizlik şirkətləri nümayəndələrinin, eləcə də beynəlxalq ekspertlərin iştirakı ilə keçirilib.
#gallery-1 {
margin: auto;
}
#gallery-1 .gallery-item {
float: left;
margin-top: 10px;
text-align: center;
width: 100%;
}
#gallery-1 img {
border: 2px solid #cfcfcf;
}
#gallery-1 .gallery-caption {
margin-left: 0;
}
/* see gallery_shortcode() in wp-includes/media.php */
