ain.az bildirir, Sherg.az saytına əsaslanaraq.
Xaricdən gətirilən ətlərlə yerli heyvanların ətinin dadı fərqlidir
Rauf Qarayev: "Yerli əhalinin təbiətdə yetişdirdiyi mal-qaraya baxırsan arıqdır, o qədər də çox ət vermir, amma keyfiyyətlidir, sağlamdır"
Paytaxtda dana ətinin qiyməti gah qalxır, gah da enir. Bəzən sümüksüz dana ətinin kiloqramının 20-21 manata satıldığını görürük, bəzən də 16-18 manata. Bu günlərdə isə “sümüksüz dana əti 11 manat” yazılmış lövhə görünüb. Bu, nədir? Yuxu, illüziya, miraj?.. Heç biri deyil. Həqiqətdir. Amma əsasında xarici ölkələrdən hansındansa gətirilən, yaşlı heyvanların əti. Bunu biz demirik. Mütəxəssislər bildirir. Əhalinin müəyyən qisminin ucuz qiymətə satılan ətlərdən almaq məcburiyyətində qaldığı məlumdur. Ailələr var ki, büdcələri ancaq ucuz ət almağa yetir. Odur ki, 11-12 manat cəlbedici görünür və insanlar bu ətlərdən alıb istifadə edirlər. Bəs keyfiyyət, yararlı olub-olmamaq necə? Dediyimiz kimi, kasıb bunları düşünməyi özünə rəva görə bilmir. Ucuz ət hardan gətirilir, dana, yoxsa öküz, inək ətidir, nə vaxt kəsilib, ölkəyə nə vaxt gətirilib, təzədir, köhnədir... bu suallar açıq qalır.
İqtisadçı Rauf Qarayev Sherg.az-a açıqlamasında qeyd etdi ki, satışdakı ucuz ətlər 5-6 manata Monqolustandan gələn ətlərdir. İdxal olunan bu ət məhsullarından restoranlarda da istifadə olunur, marketlər zəncirində də satışa çıxarılır:
