BAKI, 5 oktyabr. TELEQRAF
İran Atom Enerjisi üzrə Beynəlxalq Agentlik ilə yeni texniki əməkdaşlıq sazişi imzalayıb.
Teleqraf xəbər verir ki, bunu İranın xarici işlər naziri Abbas Əraqçi deyib.
O bildirilib ki, bu addım son dövrlərdəki təhlükəsizlik və situasiya dəyişiklikləri, o cümlədən nüvə obyektlərinə hücumlar səbəbindən zəruri olub, çünki əvvəlki əməkdaşlıq artıq davam etdirilə bilməzdi.
Əraqçi qeyd edib ki, Qahirə sazişi hazırda yeni şərtlərə, o cümlədən "snap-back" mexanizminə (sanksiyaların avtomatik bərpası) görə kifayət etmir və yeni qərarlar qəbul ediləcək.
O vurğulayıb ki, İran nüvə proqramının dinc məqsədli olduğunu sübut etmək üçün bütün diplomatik yolları keçib, əməkdaşlıq və məsləhətləşmələri davam etdirib və tarazlı və konstruktiv təkliflər təqdim edib.
Nazir əlavə edib ki, artıq Qərb ölkələri üçün İranı əməkdaşlıqdan və ya danışıqlardan çəkindirmək üçün heç bir bəhanə qalmayıb. İranın mövqeləri tamamilə legitim və əsaslıdır. Ölkə etimadın bərpasına gətirib çıxaracaq istənilən həll yolunu izləməyə hazırdır.
