Süleyman İsmayılzadə: III MDB Oyunları mənim üçün yaxşı başladı

III MDB Oyunlarının çərçivəsində Gəncə İdman Sarayında edən üzgüçülük yarışlarında növbəti medalçılar müəyyənləşib.  Kişilər arasında 1 500 metr məsafəyə sərbəst üsulla üzmə yarışında rusiyalı Aleksandr Filipets qızıl medal, Azərbaycan üzgüçüsü Süleyman İsmayılzadə - gümüş medal, daha bir rusiyalı Boqdan Toropkin isə bürünc medal qazanıb.

Süleyman İsmayılzadə KİV-ə açıqlamasında bildirdi ki, III MDB Oyunları mənim üçün yaxşı başladı. 

O, qarşıdakı günlərdə qızıl medal qazanmaq istədiyini bildirib: "Azərbaycan üzgüçüləri MDB Oyunları tarixində ilk dəfə medallar qazandı. Uşaqları təbrik edirəm. Rəqiblərimiz güclü olsa da, layiqli mübarizə apardıq və fəxri kürsüdə yer aldıq".

Cavid QAÇAYEV (foto)

XQ