ain.az, Redaktor.az saytına istinadən bildirir.
İsrailin Suriyaya qarşı təhdidləri dekabrın 8-dən bəri səngimir.
Redaktor.az "Sana"ya istinadən xəbər verir ki, bu barədə Suriya lideri Əhməd əş-Şaraa Nyu-Yorkda BMT Baş Assambleyasının 80-ci sessiyasında çıxışında bildirib.
Prezident Əş-Şaraa bildirib ki, "İsrailin siyasəti beynəlxalq ictimaiyyətin Suriya və onun xalqına verdiyi dəstəyə ziddir, İsrail keçid prosesindən istifadə etməyə çalışır".
"Bu, regionu sonu görünməyən yeni bir münaqişə dövrünə sürükləyir", - əş-Şaraa vurğulayıb.
O qeyd edib ki, bu kontekstdə Suriya bu böhranı aradan qaldırmaq üçün dialoq və diplomatiyadan istifadə edir, 1974-cü il atəşkəs sazişinə sadiq qalır və beynəlxalq ictimaiyyəti bu təhdidlərlə mübarizədə onun yanında olmağa, Suriyanın ərazi bütövlüyü və suverenliyinə hörmət etməyə çağırır.
Qeyd edək ki, Suriya Prezidenti 1967-ci ildən bəri ilk dəfədir BMT Baş Assambleyasında çıxış edir.
Daha ətraflı məlumat və yeniliklər üçün ain.az saytını izləyin.
