1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Avstraliyanın CSIRO və Adelaida Universitetindən olan tədqiqatçılar müntəzəm olaraq sarı kivi yeməyin orqanizmdə C vitamini səviyyəsini səmərəli şəkildə artıra biləcəyini müəyyən ediblər.
Oxu.Az bildirir ki, klinik tədqiqatın nəticələri "Nutrients" elmi jurnalında dərc edilib.
Təcrübədə C vitamini səviyyəsi aşağı olan 26 nəfər iştirak edib. İştirakçılar iki qrupa bölünüblər: birinci qrupdan gündə iki ədəd kivi (SunGold kiwifruit) yemələri istənilib, ikinci qrup isə kapsul şəklində C vitamini qəbul edib. Bir neçə həftə ərzində alimlər stres, əhval və yorğunluq hisslərindəki dəyişiklikləri izləyiblər.
Məlum olub ki, kivi dərman preparatlarından daha sürətli və effektiv hərəkət edir: artıq dörd gündən sonra birinci qrupun iştirakçıları yorğunluğun azaldığını, bir həftədən sonra isə əhvali-ruhiyyənin yaxşılaşdığını və həyat tonusunun yüksəldiyini qeyd ediblər.
