Ölkə ərazisində bir neçə gündür davam edən kəskin hava şəraiti Ağdam rayonunun Xıdırlı kəndində fəsadlar törədib.
KONKRET.az Oxu.az-a istinadən xəbər verir ki, aramsız yağan leysan yağışları bəzi evlərin həyətlərinə dolub və bir hasara ziyan dəyib.
Yağıntıdan dərhal sonra təbiət hadisəsinin vurduğu fəsadlar aradan qaldırılıb və hasar yenidən bərpa edilib.
Xatırladaq ki, bir neçə gündür ölkə ərazisində hava şəraiti kəskin pisləşib və bir çox rayonlara sel gəlib.
