Səhər duşu insanı oyadaraq günə enerjili başlamasına kömək edir, gecə duşu isə gün ərzində toplanan kir və tərdən təmizlənərək rahat yuxuya getməyə şərait yaradır. Lakin gecə duşunun faydası yalnız yataq dəsti mütəmadi olaraq yuyulursa tam reallaşır, çünki çirkli yataq bakteriyalar və toz gənələri üçün əlverişli mühit yaradır. Hull Universitetinin mütəxəssisi Holly Wilkinson bildirir ki, yataq dəstini təmiz saxlamaq axşam duş almaqdan daha vacibdir. Toz gənələrinin ifrazatı allergiyalara səbəb ola bilər və çirkli yataq bu riski artırır. Üstəlik, çirkli çarşaflarda mütəmadi yatmaq dəri infeksiyası ehtimalını da yüksəldə bilər. Gecə duşunun daha yaxşı yuxuya kömək etdiyini iddia edənlər də var və bunu dəstəkləyən elmi dəlillər mövcuddur. Meta-analiz göstərir ki, yatmazdan 1-2 saat əvvəl qəbul edilən isti duş yuxuya getmə müddətini qısaldır, çünki bədənin soyuması sirkadiyalı ritmlə uyğunlaşaraq yuxuya keçidi asanlaşdırır. Əslində, səhər və ya axşam duş qəbul etməyin sağlamlıq baxımından ciddi fərqi yoxdur. Bu, şəxsi rahatlıq və həyat tərzi ilə bağlı seçimdir.Ulusum.az xəbər verir ki, mütəxəssislərin fikrincə, əsas gigiyena bölgələri gündəlik yuyulduğu təqdirdə, həftədə iki dəfə duş qəbul etmək belə kifayət edə bilər.Fiziki işlə məşğul olanlar üçün günün sonunda duş almaq daha məqsədəuyğun sayılsa da, Wilkinson-un fikrincə, gigiyena baxımından təmiz yataq dəsti daha önəmlidir. Nəticə etibarilə, duş vaxtından çox, ümumi gigiyena vərdişləri və həyat tərzinə uyğunluq əsas rol oynayır.R.DaşdəmirovaUlusum.az
Diqqət Çəkənlər
Aysun və Ülvidən yeni duet: “Üzgun” – duyğusal ifa dinləyicilərlə görüşdü
İtaliyada 1,1 Milyon İnsan Altsheymer Xəstəliyindən Əziyyət Çəkir
Sadettin Saran “Fənərbaxça”nın yeni prezidenti seçildi — Ali Koç dövrü başa çatdı
