Formula 1: Onun nəticəsi ləğv edildi — RƏSMİ
"Alpin" komandasının pilotu Esteban Okon Azərbaycan Qran-Prisinin sıralama turundan sonra protokoldan kənarlaşdırılıb.
Demokrat.az xəbər verir ki, fransalı sürücünün bolidi sessiya bitdikdən sonra texniki baxışdan keçməyib.
Beynəlxalq Avtomobil Federasiyasının (FIA) açıqlamasına əsasən, Okonun maşınının arxa qanadı əyilmə testindən uğursuz çıxıb və normadan artıq elastik olduğu müəyyən edilib.
Bu qərara əsasən, Okon bugünkü yarışa start düzülüşünün ən sonuncu - 20-ci pilləsindən başlayacaq. Halbuki o, sıralama turunu 18-ci yerdə tamamlamışdı.
