On ölkə sentyabrın 22-də BMT-nin konfransında Fələstin dövlətçiliyini tanıdıqlarını bəyan edəcək.
Moderator.az xəbər verir ki, bu qərarı Fransa, Andorra, Avstraliya, Belçika, Böyük Britaniya, Kanada, Lüksemburq, Malta, Portuqaliya və San Marino verib . Qərar Fransa prezidenti Emmanuel Makronun Nyu-Yorkda BMT Baş Assambleyasına səfəri öncəsi Yelisey sarayında keçirilən brifinqdə açıqlanıb.
Fransa İsrailin İordan çayının qərb sahilindəki Fələstin ərazilərini işğal etmək cəhdlərini kəskin şəkildə pisləyib. Makron Parisin Qəzza zolağındakı döyüşlərdən və İsrail hakimiyyətinin qərarlarından asılı olmayaraq Fələstinin tanınması ilə bağlı konfrans keçirəcəyini vəd edib.
Fələstinin dövlətçiliyi BMT-nin 148 üzvü tərəfindən tanınır.
