ain.az bildirir, GlobalInfo saytına əsaslanaraq.
Sudanda məscidə cümə namazına toplaşan insanlara pilotsuz təyyarə ilə zərbə endirilib. Azı 43 mülki şəxs həlak olub.
Globalinfo.az xəbər verir ki, bu barədə “Washington Post” qəzeti yerli həkimlərə istinadən məlumat yayıb.
Hadisə ölkənin qərbində Çevik Reaksiya Qüvvələrinin mühasirəsində olan Əl-Faşir şəhərində baş verib. Pilotsuz təyyarənin ÇRQ-yə məxsus olduğu deyilir. Hücum zamanı köçkünlər düşərgəsindəki məscid hədəf alınıb.
Qeyd edək ki, bir gün əvvəl “Washington Post” xəbər verib ki, şəhərin qərb və cənub məhəllələrində döyüşlər şiddətlənib.
Öz növbəsində “Sudan Tribune” xəbər verib ki, ÇRQ əvvəllər Afrika İttifaqı-BMT sülhməramlı missiyasının Darfurda (UNAMID) Əl-Faşrin şimal-qərbində istifadə etdiyi bazaya soxulmağa nail olub. Obyekt indi hərbçilərlə könüllülər tərəfindən istifadə olunur.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
