Bu il iyulun sonunda Rusiyanın “Gerbera” pilotsuz təyyarəsi Litvanın hava məkanına daxil olub. Dron, ehtimal ki, Belarusdan buraxılıb. Bu barədə “Delfi” məlumat yayıb.
Nəşrin mənbələrinə görə, 2 kiloqram partlayıcı daşıyan rus gerberasının Litvaya hücumu məqsədli şəkildə planlaşdırılmış əməliyyat olub.
Bu yolla Rusiya Litvanın hava hücumundan müdafiə imkanlarını sınaqdan keçirməklə yanaşı, həm də psixoloji təsir göstərmək istəyirdi. Buna görə də pilotsuz təyyarə Vilnüs üzərində uçub.
Uçuş hündürlüyü də təsadüfən seçilməyib - bu yolla radar tərəfindən aşkarlanmayıb.
"Delfi"nin həmsöhbətlərinin qeyd etdiyi kimi, qəzaya uğrayan pilotsuz təyyarədə təkcə partlayıcı qurğu yox, həm də müasir bort kompüteri, həmçinin ən azı bir SİM kart tapılıb.
Əziz Mustafa
