Taliban WIFI“əxlaqsızlığın qarşısını almaq üçün” qadağan etdi
Ajans.az Associated Press-ə istinadən xəbər verir ki,əyalət hökumətinin sözçüsü Hacı Attaullah Zaid Associated Press-ə açıqlamasında bildirib ki, Taliban lideri Hibətullah Axundzadənin göstərişi ilə Bəlxdə kabel internet bağlantısına tam qadağa qoyulub. "Bu tədbir əxlaqsızlığın qarşısını almaq üçün atılıb və ehtiyaclar üçün ölkə daxilində alternativ sistemlər qurulacaq", — deyə Zaid bildirib. Qadağanəticəsində Bəlxəyalətindəkidövlətidarələri, özəlmüəssisələr, evlərvə təşkilatlarfiberoptikinternetbağlantısındanməhrumedilib. Bu, Talibanın 2021-ci ilin avqustunda yenidən hakimiyyətə gəlməsindən sonra bu miqyasda ilk qadağalardan biri hesab olunur. Qeyd olunur ki, mobil internet hələlik işlək vəziyyətdədir, lakin bunun nə qədər davam edəcəyi barədə məlumat verilməyib. Sözçü Zaid qadağanın niyə məhz Bəlx əyalətində tətbiq edildiyini və ya gələcəkdə digər bölgələrə yayılıb-yayılmayacağını dəqiqləşdirməyib. Əfqanıstan hakimiyyəti əvvəllər də təhlükəsizlik məqsədilə, xüsusilə dini bayramlar zamanı mobil rabitə şəbəkələrini müvəqqəti dayandırıb, lakin bu dəfəki tədbir fərqli motivasiya — əxlaqi nəzarət əsaslandırması ilə tətbiq olunub. Talibanın hakimiyyətə dönüşündən sonra ölkədə söz və media azadlığı, qadın hüquqları, təhsil və texnologiyaya çıxış kimi sahələrdə kəskin məhdudiyyətlər tətbiq olunub. Son addım, internet üzərindən mədəni və informasiya axınının nəzarətdə saxlanılması məqsədi daşıdığı kimi qiymətləndirilir.
